«عبدالله عبدالله» رئیس اجرائیه دولت وحدت ملی با «حامد کرزی» رئیس جمهور پیشین افغانستان دیدار کرده و در مورد حملات اخیر تروریستی صحبت کردند.

در این دیدار که با حضور معاونان ریاست اجراییه و برخی دیگر از مقامات دولتی در قصر سپیدار صورت گرفت، رییس‌جمهور سابق ضمن محکوم کردن حملات چند روز گذشته به ویژه حمله انتحاری در مراسم خاکسپاری «محمد سالم ایزدیار» برای آرامش روح قربانیان دعا کرد.

حملات تروریستی در مراسم خاک سپاری «محمد سالم ایزدیار» پسر نایب اول مجلس سنای افغانستان، بیش از ۲۰ کشته و نزدیک به صد زخمی برجای گذاشت.