در خبرنامه ریاست جمهور آمده است که اشرف غنی، رییس جمهور کشور بنا بر دعوت رسمی امام علی رحمان، رییس جمهور تاجیکستان، بامداد امروز (سه شنبه ۲۱ ثور) در رأس یک هیات عالی رتبۀ دولتی، عازم دوشنبه پایتخت این کشور گردید.

خبرنامه می‌افزاید که رییس جمهور کشور در جریان این سفر رسمی دو روزه با رییس جمهور، نخست وزیر و رییس مجلس نماینده‌گان تاجیکستان به گونۀ جداگانه دیدار خواهد کرد و با آنان در بارۀ گسترش روابط و همکاری ها میان دو کشور در عرصه های گونه گون، گفتگو خواهد کرد.

در جریان این سفر در حضور داشت روسای جمهور دو کشور موافقتنامه‌های همکاری از سوی مقام‌های دو کشور به امضا خواهند رسید و همچنان رییس جمهور غنی در دانشگاۀ ملی تاجیکستان سخنرانی خواهد کرد.