شماری از شهروندان ولایت هرات کاروانی را زیر نام” کاروان صلح مردمی ولایت هرات”، تشکیل داده و حوالی صبح ام‌روز با پای پیاده، راهی کابل شدند.

به اساس اطلاعات به دست آمده، شمار این کاروان صلح به ۲۰ تن می‌رسد که یک تعداد آنان، افراد معلوم می‌باشند.

قرارست کاروان صلح مردمی ولایت هرات با کاروان صلح مردمی هلمند که در حال در کابل حضور دارند، یکجا شود.

اعضای کاروان صلح مردمی ولایت هرات گفتند که از جنگ خسته شده و برپا خیستند تا صدای شان را در بخش صلح به گوش جهانیان برسانند.

این درحالی‌ست که قبل از این یک کاروان دیگر که خواست آنان صلح می‌باشد، با پای‌های پیاده از ولایت هلمند حرکت کرده و خود شان را به ولایت کابل رسانیده‌اند.

آنان بیش از ماه می‌شود که در برابر شماری از سفارت‌های کشورهای جهان که به نحوی در جنگ افغانستان دخیل و یاهم تاثیر گذار بوده، بست نشینی کردند.

به اساس تازه‌ترین اطلاعات، آنان قصد در اخیر هفتۀ جاری با پای‌های پیاده به سوی ولایت بلخ برای رسانیدن صدای صلح، حرکت نمایند.